ხატვის კურსი
(ასაკი: 6-17, უფროსები)
კ ურსის შესახებ
თუ ეძებთ მხიარულ, ფერად და განვითარებაზე ორიენტირებულ აქტივობას თქვენი პატარასთვის თბილისში, არ გამოტოვოთ ეს შანსი!
6–17 წლის ბავშვებისთვის გთავაზობთ განსაკუთრებულ შესაძლებლობას: ხატვის გაკვეთილებს მხატვარ ნუცა დუჩიძესთან ერთად! მოზარდი: გაეცნობა ფერებს და შემოქმედებით სამყაროს, ისწავლის ფერების შერევას, ფორმების შექმნას და დაკვირვებას, ხატვით გამოხატავს ემოციებს და განვითარდება და რაც მთავარია, გაერთობა და შექმნის!
საფასური: კვირაში ერთხელ - 80 ლარი; კვირაში ორჯერ - 150 ლარი.
ნუცას შესახებ
ნუცა დუჩიძეს მონაწილეობა აქვს მიღებული არაერთ გამოფენაში, მათ შორის უმასპინძლა 5 პერსონალურ გამოფენას. მისი ნახატები ინახება ხელოვნების მუზეუმში, ასევე კერძო კოლექციებში საქართველოსა და საზღვარგარეთ. ნუცა მზადაა თავისი გამოცდილება ბავშვებს გაუზიაროს. „მჯერა, ყველა ბავშვში ცხოვრობს პატარა მხატვარი. ჩემი მიზანია, მათ დავეხმარო ფერებთან მეგობრობაში და ხატვით სიამოვნების მიღებაში.“ — ნუცა დუჩიძე
_edited.jpg)
ინგლისური
(ასაკი: 10-17, უფროსები)
კურსის შესახებ
ჩვენი ინგლისური ენის კურსები წარმოადგენს თანამედროვე, ინტეგრირებულ პროგრამას, რომელიც განკუთვნილია როგორც დამწყები, ისე საშუალო და საშუალოზე მაღალი ცოდნის დონის მოსწავლეებისთვის. მოზარდები და უფროსები ტესტირების შედეგების მიხედვით ნაწილდებიან შესაბამის ჯგუფებში. კურსი ეფუძნება კომუნიკაციურ მიდგომას, რომელიც აქცენტს აკეთებს მოსწავლეების უნარ-ჩვევების აქტიურ განვითარებაზე, მათ შორის მეტყველებაზე, წერაზე, მოსმენასა და კითხვაზე. გაკვეთილები საინტერესო, დინამიური და ინტერაქტიულია, მათში გამოიყენება თანამედროვე საგანმანათლებლო ტექნოლოგიები და მასალები. ჩვენი მიზანია მოსწავლეებს დავეხმაროთ თავდაჯერებულად და თავისუფლად ისაუბრონ ინგლისურად ყოველდღიურ და პროფესიულ სიტუაციებში.
საფასური: კვირაში ორჯერ - 160 ლარი.
ქრისტის შესახებ
ქრისტი არის მაღალკვალიფიციური და გამოცდილი ინგლისური ენის პედაგოგი, რომელიც ფლობს ვროცლავის უნივერსიტეტის მაგისტრის ხარისხს ინგლისურ ფილოლოგიასა და ჟურნალისტიკაში. ქრისტი ასევე ფლობს პროფესიულ და პრაქტიკულ ცოდნას ფსიქოლოგიის, კომუნიკაციისა და სასწავლო პროცესის მართვის მიმართულებით. ქრისტის სხვადასხვა მაღალპროფილური ენის ცენტრებში მუშაობის 9 წლიანი გამოცდილება აქვს. იგი იდეალურად მუშაობს მოზარდებთან და ზრდასრულებთან და განსაკუთრებულ ყურადღებას უთმობს მოსწავლეთა პიროვნულ განვითარებას. "ვცდილობ დაგროვილი ცოდნა და გამოცდილება მაქსიმალურად გადავცე მოსწავლეებს. მჯერა, რომ მეგობრული გარემოს შექმნა ძალიან მნიშვნელოვანია. სახალისო და საინტერესო გაკვეთილები უზრუნველყოფს მოსწავლეების მაქსიმალურ ჩართულობას და სწრაფ შედეგს." - ქრისტი ღეჩუაშვილი.
დებატებისა და საჯარო გამოსვლის კურსი (ასაკი 12-17)
კურსის შესახებ
_edited.jpg)
კურსი მიზნად ისახავს მოზარდებში ეფექტური კომუნიკაციისა და დასაბუთებული არგუმენტაციის უნარების განვითარებას. მოზარდები ისწავლიან, როგორ მოიძიონ ინფორმაცია დებატების საგანზე, გამოიკვლიონ თემა, შეისწავლონ მნიშვნელოვანი სტატისტიკა, გაიგონ ოპონენტის ძირითადი მახასიათებლები და ამოიცნონ სხეულის ენა. კურსში შედის დებატების პრაქტიკული სავარჯიშოები, როლური თამაშები და სიმულაციები, რაც ხელს უწყობს თეორიული ცოდნის რეალურ ცხოვრებაში გადმოტანას. კურსის დასრულების შემდეგ, თითოეული მონაწილე შეძლებს აზრის არგუმენტირებულად ჩამოყალიბებას, დეტაბეტში და დისკუსიებში წარმატებით ჩართვას და საჯარო გამოსვლისას ემოციების ეფექტურად მართვას. ეს უნარები უზრუნველყოფს ბავშვების აქტიურ და წარმატებულ საზოგადოების წევრებად ჩამოყალიბებას.
საფასური: კვირაში 1-ხელ, 1.5 საათი - 180 ლარი
მანონის შესახებ
მანონ ბოკუჩავა ივანე ჯავახიშვილის სახელობის თბილისის სახელმწიფო უნივერსიტეტის მასობრივი კომუნიკაციის დოქტორიაა. მას პრაქტიკულ ჟურნალიტიკაში მუშაობის 15 წლიანი გამოცდილება აქვს. ამ დროის განმავლობაშია იგი, არა ერთი, ადგილობრივი და საერთაშორისო სამეცნიერი კონფერენციის მომხსენებელი გახლდათ. არის Scopus-ის ბაზაში ინდექსირებული აკადემიური ნაშრომების ავტორი. მანონი არის რეგიონული მედია ორგანიზაციის დამფუძნებელი და საკვირა სკოლების შექმნის კუთხით, არაფორმალური განათლების ხელმშემწყობი. მანონი შეგასწავლით საჯარო გამოსვლის და დებატების ხელოვნებას. თვლის, რომ ემოციების მართვა და ეთიკის დაცვა, არის ფუნდამენტი დებატების. იზიარებს მოსაზრებას, რომ საჯარო გამოსვლის წარმატების წინა პირობა მისთვის გულმოდგინე მომზადებაა.
კრიტიკული აზროვნების და წიგნიერების კურსი (ასაკი 9-17)
კურსის შესახებ
კურსი ეხმარება ბავშვებს კრიტიკული აზროვნების დახვეწაში, წაკითხულის უკეთ გააზრებაში და წერის უნარების გაუმჯობესებაში. ბავშვებთან ერთად შევქმნით პერსონაჟების ფსიქოლოგიურ-ლიტერატურულ პორტრეტებს, გავითამაშებთ პერსონაჟებს რეალურ ცხოვრებაში, ბევრს ვიკამათებთ და ვიმსჯელებთ და რაც მთავარია, ვისწავლით, როგორ გადმოვცეთ ემოციები მხატვრულ თემებში. სასწავლო პროცესი მოიცავს ქვიზებს, მხატვრული წერის სავარჯიშოებს და როლურ თამაშებს, რაც მოზარდებში შემოქმედებით და კომუნიკაციის უნარებს აამაღლებს. კურსის დასრულების შემდეგ მოსწავლეები შეძლებენ აზრის არგუმენტირებულად ჩამოყალიბებას, შეიყვარებენ ლიტერატურას, შეძლებენ ტექსტის ღრმად გააზრებას და ისწავლიან შემოქმედებით წერას, რაც მათ დაეხმარება როგორც სასწავლო პროცესში, ასევე პირად და სოციალურ ურთიერთობებში.
საფასური: კვირაში 2-ჯერ, 150 ლარი
ქეთევანის შესახებ
ქეთევან აბელაშვილი ივანე ჯავახიშვილის სახელიბის თბილისის სახელმწიფო უნივერსიტეტის კურსდამთავრებულია. მას აქვს პედაგოგად მუშაობის 35 წლიანი გამოცდილება, მათ შორის მოსწავლეებთან ერთად დაწერილი აქვს ,,ანბანთქება", რომელიც გაფორმებულია ბავშვების მიერ შესრულებული ილუსტრაციებით. ქეთევან აბელაშვილს აგრეთვე დამთავრებული აქვს თბილისის სამხატვრო აკადემიის დაზგური გრაფიკის ფაკულტეტი და აქტიურად არის ჩართული საერთაშორისო გამოფენებში. იგი წარდგენილია წლის საუკეთესო ხელოვანის ნომინაციაზე.
ქეთევან აბელაშვილის გაკვეთილების მიზანია მოსწავლეებში განავითაროს კრეატიული აზროვნების და არგუმენტირებული წერის უნარები, რის შემდეგაც მოსწავლეები დამოუკედებლად დაწერენ მოთხრობებს, შექმნიან ილუსტრაციებს და წლის ბოლოს საუკეთესო თხზულებები და ლექსები აიკინძება წიგნად, მოეწყობა პრეზენტაცია .
_edited.jpg)
დისკუსიები ინგლისურ ენაზე
(უფროსები)
_edited_edited.jpg)
კურსის შესახებ
გიწვევთ შეხვედრებზე, სადაც თქვენ შეძლებთ ინგლისურ ენაზე საუბარს თავისუფლად და თავდაჯერებულად! შეხვედრები განკუთვნილია უფროსებისთვის და გრძელდება 2 საათი. ჩვენ ერთად განვიხილავთ ისეთ თემებს,როგორიცაა: ცრუ რწმენები და ტრადიციები, AI და მომავალი ურთიერთობები, უხილავი სოციალური წესები, იდენტობა და თვითგამოხატვა, მეგობრობა და გრძნობები, სიმართლისა და ტყუილის ზღვარი და სხვა მრავალი თემა. მონაწილეებს მოეთხოვებათ ინგლისური ენის მინიმუმ B1 დონეზე, რათა შეძლონ დისკუსიაში აქტიურად ჩაბმა. ეს არ არის სტანდარტული გაკვეთილები, ეს არის უნიკალური სივრცე, სადაც თქვენი ინგლისური ცოცხლდება!
ფასი: 4 დისკუსიის ფასია 200 ლარი, 1 დისკუსიის ფასი - 50 ლარი. დისკუსიები გაიმართება შაბათს ან კვირას, თქვენი არჩევანის მიხედვით.
ვილიამის შესახებ
ვილიამ კინგი გამოცდილი ინგლისური ენის მასწავლებელია, რომელიც 14 წელია საქართველოში ცხოვრობს. ის ეხმარება მოსწავლეებს მეტყველების და წერის გაუმჯობესებაში. ვილიამი გამოცდილი პედაგოგია და ამავდროულად მუშაობდა აშშ-ის საელჩოში თბილისში, კომუნიკაციისა და საჯარო დიპლომატიის საკითხებზე. ის იმავე მკაფიო და გააზრებულ მიდგომას იყენებს საკლასო ოთახში და ეხმარება მოსწავლეებს პირადი და პროფესიული მიზნების მიღწევაში. ვილიამი ქმნის მეგობრულ სასწავლო გარემოს, სადაც მოსწავლეები თავს კომფორტულად გრძნობენ. ის თვლის, რომ ინგლისური ენის შესწავლა უნდა იყოს პრაქტიკული, შინაარსიანი და რაც მთავარია - სახალისო! ვილიამი დაგეხმარებათ ინგლისურ ენასთან დაკავშირებული ყველა ბარიერის გადალახვაში.
ლოგიკური აზროვნება და მათემატიკა (ასაკი 6-14)
_edited_edited.jpg)
კურსის შესახებ
კურსი არ ეფუძნება ტრადიციულ სკოლის პროგრამას და მიზნად ისახავს ბავშვებში ლოგიკური აზროვნების, პრობლემების გადაჭრის უნარების და რიცხვობრივი ინტუიციის განვითარებას. სწავლება ეფუძნება თამაშებს, თავსატეხებს, პრაქტიკულ მაგალითებსა და გუნდურ აქტივობებს. ეს კურსი მოსწავლეებს მათემატიკას განსხვავებული კუთხით დაანახებს: როგორც ამბავს, რომელიც შეიძლება გახდეს თავგადასავალი, როგორც გამოწვევას, რომელიც ავითარებს შემოქმედებით აზროვნებას, და როგორც ინსტრუმენტს, რომელიც ხსნის ახალი შესაძლებლობების კარს.
ფასი: კვირაში 2-ჯერ, 150 ლარი.
თემურის შესახებ
თემურ ცენტერაძე არის მრავალმხრივი და საერთაშორისო გამოცდილების მქონე STEM მიმართულების პედაგოგი, რომელიც ცდილობს მათემატიკა, ტექნოლოგიები და განათლების სფერო ერთ მთლიან, ინოვაციურ საგანმანათლებლო სივრცედ აქციოს. ბაკალავრის ხარისხი მიიღო ილიას სახელმწიფო უნივერსიტეტის მათემატიკის ფაკულტეტზე, ხოლო მაგისტრატურის ხარისხები – საქართველოს ეროვნული უნივერსიტეტის (SEU) განათლების ადმინისტრირების ფაკულტეტზე და ჩეხეთის აგრარული უნივერსიტეტის ინფორმაციული ტექნოლოგიების ფაკულტეტზე, როგორც ჩეხეთის მთავრობის სტიპენდიანტი. Erasmus-ის გაცვლითი პროგრამით ის სწავლობდა პორტუგალიაში, კოიმბრას უნივერსიტეტში, კომპიუტერული ინჟინერიის ფაკულტეტზე. სწავლების გარდა, თემური აქტიურად საქმიანობს საერთაშორისო საგანმანათლებლო და ახალგაზრდულ პროგრამებში პოლონეთში, ხორვატიაში და ჩეხეთში. თემურს სჯერა, რომ მათემატიკა არ არის მხოლოდ ფორმულებისა და რიცხვების კრებული – ის არის ენა, რომელიც გვიყვება სამყაროს შესახებ. მისი მიზანია შექმნას სასწავლო გარემო, სადაც მათემატიკა აღიქმება არა როგორც რთული გამოცდა, არამედ როგორც საინტერესო გზა სამყაროს უკეთ გასაგებად.
სოციალურ-ემოციური უნარები (ასაკი 4-17)
_edited.jpg)
კურსის შესახებ
კურსი მიზნად ისახავს განავითაროს მოზარდებში ის უნარები, რომლებიც ხელს შეუწყობს მათ ჯანსაღ ურთიერთობებს, აკადემიურ წარმატებასა და ემოციურ კეთილდღეობას. თანამედროვე კვლევები აჩვენებს, რომ ემოციური ინტელექტი არანაკლებ მნიშვნელოვანია, ვიდრე ინტელექტის კოეფიციენტი, რადგან ეს უნარები ბავშვს ეხმარება ემოციების მართვაში, ჯანსაღი ურთიერთობების დამყარებასა და მიზნების მიღწევაში. დღევანდელ, სწრაფად ცვალებად სამყაროში, სოციალური ცვლილებებისა და ტექნოლოგიური წინსვლების გათვალისწინებით, მოზარდებში სოციალურ-ემოციური უნარების განვითარების ხელშეწყობა განსაკუთრებულ მნიშვნელობას იძენს. სწავლება ეფუძნება თამაშებს, შემოქმედებით სავარჯიშოებს, არტთერაპიის ელემენტებსა და გუნდურ აქტივობებს. ეს მეთოდები მოზარდებს აძლევს შესაძლებლობას საკუთარი თავი უკეთ შეიცნონ, გახდნენ უფრო თავდაჯერებულები, ემპათიურები და ლიდერული უნარები დაისწავლონ. კურსის მთავარი ამოცანაა მოზარდის ჰარმონიული განვითარება, ემოციური ბალანსის მიღწევა, გამბედაობისა და თავისუფლების ხარისხის ამაღლება და შესაძლებლობების რეალიზება.
ფასი: კვირაში 2-ჯერ, 160 ლარი.
თაკოს შესახებ
თაკო ფლობს კავკასიის უნივერსიტეტის კლინიკური ფსიქოლოგიის მაგისტრის ხარისხს არტ თერაპიის მიმართულებით და ფსიქოლოგიის ბაკალავრის ხარისხს თბილისის სახელმწიფო უნივერსიტეტიდან. მისი პროფესიული გამოცდილება მოიცავს ბავშვებთან მუშაობას როგორც სამედიცინო, ასევე საგანმანათლებლო და სოციალური მიმართულებით: ნეიროგანვითარების ცენტრში, ფსიქიკური ჯანმრთელობის ცენტრში, სხვადასხვა სკოლასა და არაერთ ფონდში. თაკო განსაკუთრებულ ყურადღებას უთმობს ბავშვის ინდივიდუალური საჭიროებების გათვალისწინებას, რესურსულ მდგომარეობაში გადაყვანას, ემოციური მხარდაჭერის უზრუნველყოფას და შემოქმედებითი უნარების განვითარებას.